ଏମିତି ଏକ ରାତି

ହସୁଥିଲା ଜହ୍ନ ତାରା ମେଳରେ

ଖେଲୁଥିଲା ଖେଳ ପ୍ରିତୀର କଇଁ ସହ

ଲୁଚିଯାଉଥିଲା କେବେ ମେଘରେ

ତ କେବେ ହସ ମୁହଁରେ ଢାଳିଦଉଥିଲା

ପରସ୍ତ ପରସ୍ତ ଯୋଛନା

କଇଁର କୋମଳ ଅଂଗ ପ୍ରତ୍ୟଂଗକୁ ଛୁଇଁ ।

ଲାଜେଇ ଯାଏ ଲାଜକୁଳି ଲତା ପରି

ନବବଧୁ ସାଜେ ଓଢଣା ତଲର

ଓଠକୁ ଚାବି ମାଟିତଲେ ଗାରେଇ ଚାଲେ

ମୂଲ ଆଂଗୁଠିରେ ଇତସ୍ତତଃ ଭାବେ

ହଜିଯାଏ କଲ୍ପନା ସହରେ ।

ଭାବିନିଏ କେତେ କଥା

ସାଇତି ରଖିନିଏ ଆଁଖିରେ ଆଁଖିରେ

ଗାଇଯାଏ କେତେ ଗୀତ ହୃଦୟର

ଲେଖିଦିଏ କାବ୍ୟ କବିତା ଅକୁହା ଭାଷାର

ହୃଦୟରେ , ଛାତିରେ ଏମିତି ଏକ ରାତିରେ ।