ଏବେ ତ ଆସିଛ ଫେରି

ଲକ୍ଷେ ଯୋଜନର

ଦୂରତାକୁ ଡେଇଁ

ଏବେ ତ ଆସିଛ ଫେରି...

ତଥାପି କାହିଁକି

ପାଦ କାଢିଲଣି

ହୃଦୟ ମୋ ଚୁନା କରି...

ପ୍ରତୀକ୍ଷାର ଶେଷେ

ପାହାନ୍ତି ପ୍ରହର

ଏ ଯାଏଁ ହୋଇନି ନାଲି..

ଟିକିଏ ଅନ୍ଧାର

ସରିଯାଉ ସାଥୀ

ଯିବ ପଛେ ଦୂରେ ଚାଲି...

ଅସରନ୍ତି ରାତି

ପୁହାଇ ଦେଇଛି

କେଇ ଯୋଡ଼ା ଶବ୍ଦ ନେଇ...

ତୁମେ ଅଛ ବୋଲି

ମୁଁ ଟେ ବଞ୍ଚିଛି

କବିତା ନାୟିକା ହୋଇ...

ନାହିଁ ଅଭିମାନ

ଅଭିଯୋଗ ପେଡି

ଯାଅ ପଛେ ବହୁ ଦୂର...

ଦୁଇ ଆତ୍ମା ଆମ

ଏକ ଓ ଅଭିନ୍ନ

ରହିଥିବା ଏକାକାର...

ଇଂ ସସ୍ମିତା ବେହେରା

ସୋଲର,ଛତିଆ,ଯାଜପୁର