ଦେବୀ

ତୁ ସବୁ ଦେଇ ପାରୁ ବୋଲି ତୁ ଦେବୀ 

ତୋ ଆଖିରେ ଚମକ

ତୋ ଓଠରେ ସ୍ମିତହାସ୍ୟ

ତୋ ପଣତରେ ସଭିଙ୍କୁ କୋଳେଇ ନେବାର

ଆକୁଣ୍ଠ ଆଗ୍ରହ...

ତୋ ପାଦରେ

ବ୍ରହ୍ମାଣ୍ଡର ରାହା

ତୋ ଆଶିସେ

ମିଠା ସଞ୍ଜ ବାଆ

ତୋ ହୃଦୟେ ସୃଷ୍ଟି ପାଇଁ କଲ୍ୟାଣ ଶିରିପା

ତୁ ଦେବୀ ସଭିଙ୍କର ସାହ। ।

ତୁ ଦେଵୀ

ତୁ ଦେଇ ଚାଲୁ ଆକାଶେ ଉଡିବାକୁ ଡେଣା

ମାଟିରେ ଚାଲିବାକୁ ପାଦ

ତୋ ପାଇଁ ଆମେ କେବେ

ନ ହେଉ ବାଟ ବଣା

ତୁ ଦେବୀ

ତୋ ପାଦ ଆମ ଠିକଣା

ତୋ ବିଭୁତି ଆମ ମଥାରେ ବୋଳା

ଆଉ ଆମେ ସବୁ 

ମା ତୋ ଆଶ୍ରିତ ରେ ଗଣା !