ଚହଲା ମନ

ସାମ୍ପ୍ରତିକ ପରିସ୍ଥିତି ହୋଇଛି ଜଟିଳ  

ଜୀବନଟା ତୁଚ୍ଛ ଲାଗେ ମନଟା ବ୍ୟାକୁଳ।।[୧]

କହି ହୁଏ ନାହିଁ ସେହି ଅନ୍ତରର କୋହ

ବୁଝିବ କିଏ ବା କ'ଣ ପାଇଁ ତୁମେ କୁହ।।[୨]

ସମସ୍ତେ ଏଠାରେ ହୋଇଛନ୍ତି ସ୍ୱାର୍ଥପର

ଏକା ପରମାର୍ଥ କିବା ସାହା ହେବେ ମୋର।।[୩]

ଭାବେ କ'ଣ ପାଇଁ ଏ ସଂସାରେ ଜନ୍ମ ମୋର

ଯଦି ମୋ ଜୀବନଟା ଲୋତକର ସାଗର।।[୪]

ସହି ପହି ଗଲି ସୁଖ ପରେ ଯେ ଦୁ଼ଃଖ

ଏକାନ୍ତ ଭାବେ ବସି ଝରାଏ ଲୋତକ।।[୫]

ବହଇ ରୁଧିର ଯେସନେ ରକତ ଧାର

ଏଇତ ସଂସାର ବିଚିତ୍ର ବିଧାନ ତା'ର।।[୬]

ବାଲ୍ୟରୁ ବୃଦ୍ଧ କେତେ କେତେ ଯେ ଅଭିନୟ

ଲାଗିଛି ଲାଗିବ ଜୟ ଆଉ ପରାଜୟ।।[୭]

ଯେସନେ ଗତି ପର୍ବତରୁ ତଟିନୀ ର ଧାର

ସେହିପରି ଚାଲିଥାଏ ପ୍ରାଣୀର ସଂସାର।।[୮]  

   ସର୍ଯୁ ନଦୀ ନ ମିଶନ୍ତି ସମୁଦ୍ର ପୟର

ଯେସନେ ମନୁଷ୍ୟଙ୍କ ବିଚାର ଅବିଚାର।।[୯]

ଲୀଳାମୟ ଙ୍କ ଲୀଳା ଯେସନେ ଅପାର

ସମସ୍ତଙ୍କ ଭାଗ୍ୟରେ ନଥାଏ ସେ ଉପହାର।।[୧୦]

ଉଦ୍ ଯୋଗ କର୍ମ କରି ହୁଅ ଭବୁପାର

ଏହିପରି ଆସେ କ୍ଷଣକୁ କ୍ଷଣ ବିଚାର।।[୧୧]

ସଂକ୍ଷିପ୍ତରେ ବର୍ଣ୍ଣିଲି ଅନ୍ତରର ବେଦନା

ପ୍ରାଣୀଙ୍କର ସୁଖ ଦୁଃଖ ଆଉ ଯେ ଯାତନା।।[୧୨]