ବିଲେଇ ଆର୍ ମୁନୁଷ
ବିଲେଇ ଆର୍ ମୁନୁଷ
1 min
130
ମୋର ଭାବେ ମୁଇ ଜାଉଥିନି
ଦୁଇ ପହରିଆ ଵେଳେ
କେ କେ କରି ବିଲେଇ ଛୁଆଟେ
ରଡୁଥାଏ କଳଵଲେ
ପାଶେ ଯାଇ କରି ଦେଖ୍ ନି
ରୋଡେ....
ହଉଛେ ଡାଵର ଢଳେଇ
ଖରା ବେଳେ ତେହି ତତଲା
ଡାବର ଜଉଛେ ହଲ୍ ହଲେଇ
ବିଲେଇ ଛୁଆ ଟେ ଲୁଟ
ଲୁଟ ପୁଟଉଛେ
ଲଟ୍ କି ଯାଇଛେ ଗୋଡ଼
ଘିଚି ଆନବାର୍ କେ ଧାଇ ଗନି
ମୁଇ ଡାବର ଢଳେଇ ରୋଡ଼
ଠିକାଦାର କହେଲା ନେଇ ଛିଅ
ନେଇ ଛିଅ....
ଛିଲେ କି ଚାବି ଦେବା
ଏନ୍ତା ବେଳକେ କେନେ ଥିଲା
ମାଇ ରପ୍ ଟି ଆଏଲା
ଛୁଆର୍ ନିକେ..
ମୋତେ ଦେଖି କାଏ କୁକୁର
କହେଲା...
ଧିକ୍ ରେ ମୁନୁଷ୍ ଧିକ୍..
ନାଁ କେ ମୁନୁଷ
ବିବେକ ଥାଇ ବି ତର ବିଚାର
ନେଇ ନା ଠିକ୍ ।
ମରନ୍ ମୁହୁ ତି ପଡ଼ି ଛୁଆ ମୋର୍
କାନ୍ଦୁଥିଲା ରଡି ରଡି
ତୋର ଛୁଆ ଯଦି ହେଇ ଥିତା
କାଏ ଦେଖିଥିତୁ ଠିଆ ହେଇ..
ଧିକ୍ ରେ ମୁନୁଷ୍ ଧିକ୍...।