ଆମ ଗାଆଁକୁ ଶୀତ ଆସିଛି
ଆମ ଗାଆଁକୁ ଶୀତ ଆସିଛି
ଶୀତ ମାଉସୀର କୋଳରେ ବସି
ଆମ ଗାଆଁକୁ ଶୀତ ଆସିଛି
ଆମ୍ବ ବଉଳକୁ ଗଭାରେ ଖୋସି
ଆମ ଗାଆଁକୁ ଶୀତ ଆସିଛି
ଝୁଲରେ ଝୁଲ୍ ନାଚି ଗୀତ ଗାଉଛି
ଆମ ଗାଆଁକୁ ଶୀତ ଆସିଛି ।
ଘନ କୁହୁଡିର ପତଳା ବଳୟ
ମାଡି ଆସୁଅଛି ଘେରି ଉତ୍ତରୀୟ
ଧୂମ କୁଣ୍ଡଳୀରେ ମାରୁଛି ହାଇ
ଛୋଟ ମୋ ଗାଁଟି ପଡିଛି ଶୋଇ
ପୌଷ ମାସିଆ କୁଆଁରୀ ଶୀତ
ଚାଦର ଘୋଡେଇ ମିତ ବସିଛି
ଆମ ଗାଆଁକୁ ଶୀତ ଆସିଛି ।
ସୁନା ଧାନକ୍ଷେତ ଖେଳେ ଲୁଚକାଳି
ଉତ୍ତରା ପବନ ସହ ଭଲ୍ଲସି ଭତ୍ତାଳି
କୃଷକ ବାପୁଡ଼ା ରାତିରେ ଜଗିଛି
ଶୀତ କାକର ସାଥେ ହାତ ମିଶେଇଛି
ହାଡୁଆ ଦେହରେ ଅସରନ୍ତି ବୋଝ
ଭାବିଲେ ଦାୟିତ୍ଵ ଓଜନିଆ ମଗଜ
ନୀରବରେ ଧାନ କାଟି ଗୀତ ଗାଉଛି
ଅନ୍ନଦାତାର ଜୀବନ ସଂଗୀତ କହୁଛି
ଆମ ଗାଆଁକୁ ଶୀତ ଆସିଛି ।
ଶୀତ ମାଉସୀ ପଠେଇଛି ଦିବାକରେ
ଆଉଁଷି ଦେଉଛି ନିତି ସ୍ନେହ ସମ୍ଭାରେ
ଶୀତ ସିନା ଥରାଏ ପଉଷ-ମାଘ
ଜଗତ କେଦାରେ ଭରେ ଶସ୍ୟ ସ୍ୱର୍ଣ୍ଣାଭ
ଛୋଟ ମୋର ଗାଁ ବଗଦା ତା' ନାମ
ସକାଳୁ ସଞ୍ଜ ଚଳଚଞ୍ଚଳ ଜୀବନ ତମାମ
ଦୂରରେ ରହି ନିଆଁପୁଆଁ ବସି ଭାବୁଛି
ଆମ ଗାଆଁକୁ ଶୀତ ଆସିଛି ।