व्यक्त होताना...
व्यक्त होताना...
चंद्र नभातुनी निघताना.,
सूर्य सांजेला मुकतांना...
अल्लड या वेड्या मनाशी.,
हितगुज करत होते मी.,
आज स्वता:कडेच व्यक्त होतांना........
माझ्या आशांना पायदळी उडवत.,
परक्या अपेक्षांसाठी,
स्वतःला विसरलेली मी.,
मोकळ्या मनाने हे सारं मांडत होते मी.,
आज स्वत:कडेच व्यक्त होतांना.....
बापाची लेक झाली,नवऱ्याची बायको झाली,
लेकरांना मायेची सावली दिली...,
यात कुठतरी दुमडलेली माझ्या अस्तित्वाची पाने.,
हळूच उलगडत होते मी..,
आज स्वत:कडेच व्यक्त होतांना.....
माझ्या असण्याला अर्थ आहे.,
माझ्या वाटण्याला अर्थ आहे..,
अर्थाला या माझ्या बेअर्थ करत आलेली मी,
करत होते ही फिर्याद आज...
स्वत:कडेच व्यक्त होताना......
घुटमळलेल्या या क्षणांची,
गुंतलेल्या या भावनांची.,
एक एक गाठ सोडवतांना.,
नकळत कागदावर शब्दांची माळ ओवत होते मी.,
आज स्वत:कडेचं व्यक्त होताना...