वृक्षसंवर्धन

झाडे लावा झाडे जगवा

हा नारा फक्त देऊ नका,

ढासळलाय निसर्गाचा समतोल

आता तरी त्यापुढे वाका 'll 1 ll

ऑक्सिजनविना प्राण गेली

मानवा आता तरी जाग

सगळे काम बाजूला ठेवून

आता वृक्षरोपणाला लाग'll 2 'll

पर्यावरण दिनी नुसता फोटो काढून नको ,

कधी तरी झाडाला थोडं पाणी तरी घाला

झाडाचे फक्त महत्त्व सांगू नको

कधी तरी त्याला थोडा जीव तरी लावा 'll 3 'll

नाही लावलं झाड तर

प्राणवायू मिळणार नाही फुकट,

वेळ अशी आली आहे आता

तो मिळणार ही नाही विकत 'll 4 ll

नसेल लावायचं झाड

निदान तोडू तरी नको,

नसेल लावायचं झाड तर

प्राणवायूची अपेक्षाही धरू नको'll 5 ll

म्हातारपणी सगळे सोडून जातील

पण पाण्याचं ईमान ते राखेल

फळ, फूल, सावली

पोटभर पूरवेल 'll 6 ll

पर्यावरणदिन साजरा करून

एक तरी झाड लावू या,

वृक्षसंवर्धन करून सगळे

मोकळा श्वास घेऊ या ll 7 ll