विरह
विरह
1 min
569
कोवळ्या सरींचा भार फार वाटला
मोगऱ्याचा सुगंध नकोसा वाटला
सोबतीस तु नसताना मात्र
निष्पर्ण वृक्षाचा आधार फार वाटला
सहवास होता नुसता की होते गडद काही
आता भावनेच्या रानात मनाला पायवाट नाही
होते दिवस ते आहेत दिवस हे
मिळूनी श्वास घेण्याचा काळ आता लोटला
पानावरील दवबिंदू होती कोणाची हृदये
खोडी झाली वाऱ्याची, अन् नशिबी विलग होणे
अजूनही पाऊस मला अंगणात बोलावतो
पण डोळ्यांवरील सुखाचा पडदा आता फाटला
स्वप्नांचे हिंदोळे बागेतील त्या आम्रवृक्षाला होते
भावनांना शब्दांचे आकार होते
अन् लयीला होते स्वरांचे सुगंध
असे गीत गाताना कंठ आज दाटला