ठिणगी

सृजनशीलतेची जिला देणगी

जग पाहण्या तिलाच परवानगी

धगधगत्या अग्निकुंडातून

पेटून उठेल एकदा ठिणगी

जिला समजता तुम्ही कोळसा

तिच दाखवेल आता आरसा

हिर्‍याची लकाकी जाणवेल

हृदयात डोकावून बघ माणसा

काळोखालाही चित करेल

मिळता तिला जीवनप्रकाश

स्वसामर्थ्याच्या गरूडझेपेने

धरेवर स्थापेल नवीण आकाश

स्वप्नांच्या जिच्या चुराडा करून

उडू पाहतोस ना तु अंबरी

तिच्या वेदनांचा समजून हुंकार

घेऊ दे तिला रे उंच भरारी

सीता, गीता नाही ती द्रौपदी

स्वसंरक्षणासाठी हात पसरणारी

दुर्गा, काली आहे ती रणरागिनी

अन्यायाला झुगारून लावणारी