🏵तो दिवस आठवणीतला🏵

काय सांगू त्या दिवसाची बात

होती चंचल वाऱ्याची साथ

शब्द निशब्द झाले असताना 

सोबती निरभ्र आकाश बघताना

दिपले होते डोळे पाहुनी ते सौंदर्य

तेच वर्णावयाचे लाभले आज औदार्य 

सर्वत्र शुभ्र मखमल पसरली असताना 

हलक्या सरींची वाट पाहतांना

वाऱ्याची थंड झुळुक येते

अनं मनाला शांत करुनी जाते 

अनुभवताना पाण्याची खळखळ

शिकाराने सहज पार होते अंतर

हिमालयाच्या कुशीत स्वर्ग हा वसलेला

भारतभुमीच्या सौंदर्याची परीभाषा असलेला

अशा ह्या दैदीप्यमान दृश्याला, डोळ्यात सामावून घ्यायला

पुन्हा एकदा यावेसे वाटते, हे माधुर्य मनात रुजवायला