आई माझे दैवत

आई म्हणजे आत्मा आणि ईश्वराचा पावन संगम

आई म्हणजे प्रेम आणि मायेचे अतुट बंधन 

आईनेच होते जिवनाची सुरूवात 

आईच देते जिवनाला आकार 

तिच दुर्गा तिच सरस्वती 

तिच अंबर तिच धरती

तिच छाया तिच माया

तिच्या विना जगणे वाया

आई श्वास, तिचाच ध्यास

तिच्याचमुळे मिळतो जगण्याला विश्वास

आई सुख,ईश्वराचे रूप

अपयशाशी लढण्याचा तिच देते हुरुप

आई तुझ्या चरणी वैकुंठ, तूच माझा पांडुरंग

आई उच्चारानेच होई, सगळया वेदनांचा अंत

या जीवनात आई माझी सर्वप्रथम गुरू

त्यानंतर झाले माझे अस्तित्व सुरू

आईची महानता सांगायला शब्द कधीच पुरणार नाहीत, 

तिचे उपकार फेडणे सात जन्मातही शक्य नाही

देवाकडे एकच मागणे, भरपूर आयुष्य लाभो तिला

माझ्या प्रत्येक जन्मी तिचाच गर्भ दे मजला