थंडावता किलबिलाट

पुन:श्च उगवणार नाही अशी प्रसन्न प्रभा,

अविरत कष्टन वेचलास जरी जन्म उभा ||धृ|| 

घटणाऱ्या अंधारी, 

फोफावल्या प्रकाशी,

हरित वृक्षाग्रापाशी,

भरली विराट खगांची सभा ||१|| 

रोडावली उपस्थिती,

दवाच्या पर्जन्याभासी,

चुळबूळ घरट्यापाशी,

ज्याचा त्याचा नियोजीत सभा ||२||

प्रभात ही ऋतुराजाची,

तरीही संख्या घटणारी, 

अनंताची उणीव ही, 

मोजकेच प्रजातीदर्शन दिनआरंभा ||3|| 

विरळणारी वनराई, 

जल, भक्ष, निवारा नाही,

तीक्ष्ण नजर पारध्याची,

नाही निर्भय जगण्याची शाश्वतता ||४||

सरत्या दिवसा बरोबरी, 

घटती अनंत प्रजाती,

बालकांच्या नातवंडासी,

निव्वळ चित्र,माहिती नि सापळ्यांची मुभा ||५||