सुख माझे चोरीले

सुख माझे चोरीले..सुख माझे चोरीले..

तसा आरोप माझा कोणावरी नाही..

पण त्या दुःखाला पाहिले..सुख माझे चोरीले....|

तर किती दिवसाने, हसू नांदल होत..

गोड गोड बोलून त्याने,काम साधलं होत..

असेही होईल कधी ना वाटले....सुख माझे चोरीले..|

अन्यायाला सोसूनी,दोन हात मी केले..

बळी गेले ते माझ्या,रक्ताचे सगेसोयरे..

मी एकटा,कोण माझ्या सोबत ना राहिले..

                             सुख माझे चोरीले..|

भक्तीने देवाच्या चरणी, गाऱ्हाणं मी ठेवलं..

ऐन सराई शिवार,दुष्काळी नजरे पडलं..

का कोणी कष्टाच्या घासावर रोष ठेविला..

                            सुख माझे चोरीले..|

कोणी फास लाविला,माझ्या यशाच्या पायांना..

का कोणी खेचून आणला,मला पहिल्या पायरीला..

मी तुझ्या पुढे राहिलो,हे माझे का चुकले..

                            सुख माझे चोरीले..|

काल कोणी इथे होता,ठसा त्याने सांडला

संस्कृतीचा प्रदेश माझा,येण्याने बाटला

साधा सरळ,एक भांग असा असेल ना वाटले..

                        सुख माझे चोरीले|

कित्येक हात दान करुनी, गरिबांस ना पोहचले

एका रकमेत सामावले तुम्ही,जे मी सोसले.. 

प्रसिध्दीने माणुसकीला तडा गेला,हे आज बोचले..

                        सुख माझे चोरीले|

जीवन म्हणजे ,सुख दुःखांचा खेळ..

असे चक्र जे कोणा नाही चुकले..

सुख असे कधी,सहज पदरी ना पडले..

                            सुख माझे चोरीले..|