श्रावणधारा

श्रावणधारा त्या कोसळती

नवयव्वना ओली धरती 

कधी ओढुनी शाल धुक्याची

नक्षी काढी दवबिंदुची

सवे घेवुनी कोवळी किरणे

इंद्रधनुचे क्षितीजावर फिरणे

जलसंगित ते गिरीकंदरी

पक्षी गाती घेत भरारी

ओले चिंब रुप मनोहर

बघुनी हर्षित होतो दिनकर

त्या मेघांची प्रणयाराधना

हसुनी झटके ओली ललना

कोसळणाऱ्या श्रावणधारा

घेते टिपुनी अपुल्या अधरा

उंच झुलवत श्रावण झुला

कवेत घेते निळ्या नभाला

अवखळ अल्लड खळखळणारी

श्रावणी भासे धरती न्यारी

आनंदाचा मोर पिसारा

सवे वर्षिती श्रावणधारा

सवे वर्षिती श्रावणधारा.....