पैशाचं झाड

माझ्या बालपणी

नेहमी स्वप्न पडायचं

पैशाचं झाड

आमच्या दारात दिसायचं

चार आण्याला मिळायचे

चार गुलाबजाम

अन् दहा पैसे दिले बाबांनी

की आनंद व्हायचा जाम

लेमनच्या गोळ्यांची तर

मजाच भारी

अन् पाच पैशाला मिळायची

बिस्किटे खारी

चुलीवर भाकरी दिसायची

आभाळातला चाँद

अन धडप्यात बांधून 

शाळेत न्यायला

गम्मत भारी वाटायची

बालपणीचे ते दिवस

आठवतात जेव्हा

कळत नकळत 

पाणी नयनी दाटून 

येते तेव्हा