पाऊस

पाऊस धो धो कोसळला

नदीनाला दुधाळ फेसाळला

धरणी माय भुकावली

मृग धारात सुखावली

निळ्या नभा खाली

सुसाटवार धिंगाणा घाली

वनराई सृष्टी भिजते

आमराई हिरवीगार सजते

चौफेर ओला सुगंध

धुंद चैतन्य भुगंध

अवघीं अवनी न्हाली

वृक्षवल्ली ओलीचिंब झाली

बळीराजा राबतो राणात

आनंदी आनंद मनात

बैलगाडी घुंगराचा नाद

निसर्गाला घालतो साद

काळया आईचे चाकर

खोपीत कांदा भाकर

माऊलीची ‌लगबग झाली

गुराढोरांना वैरण आलीं

पाटात झुळझुळ पाणी

कोकिळ गातो गाणी

गोठ्यात हंबरती गाय

चारापाणी करती माय

तरारून पीक आलं

शेतकऱ्यांचं सोनं झालं