नकळत सारे घडले

आस तुझी मनाला

का वेड लावून गेली

तुला पाहता कशी

मी हरखून गेली

ना कळे कधी कशी

मनकळी फुल झाली

भृंगापरी गुज

सांगुन गेली

सुखाचे किनारे

न मागता मिळाले

तुझ्या साथीने जणु

मन पाखरू उडाले

ओढ अतृप्त मनाची

ओढावते या जिवाला

अतुट बंध रेशमाचे

जुळुन आले त्या क्षणाला

ना भेट आधीची

ना कधी काळची

तरीही वाटे जणू

ही जन्मांतरीची

दोन मनांचे अनामिक नाते

असे अनोखे का प्रेम जडले

अजब हे गुढ की

नकळत सारे घडले