मृगाचा पाऊस

आला मृगाचा पाऊस

फिटे धरतीची हौस..!

पक्षी गाती अशी गाणी

झाली चिंब झाडे रानी..!

पडतो पाऊस मोठा दूर

नदी-नाल्यांना येई पूर..!

सुखावला हा शेतकरी

त्याच्या मनाला उभारी..!

काळ्या आईची मोठी सेवा

वाडवडिलांचा हाच ठेवा..!

गोठ्यांत आनंदली गाई-गुरे

अंगणी भिजती मजेत वासरे..!

शेळ्या-मेंढ्या हिंडती माळांवरी

मुलांचे लक्ष आता शाळांवरी..!

संकट जाईल दूर पाण्यात वाहून

शिकू आता सारे अंतरात राहून..!