मी कर्नाटकु विठ्ठलू

सुन्या सुन्या गाभाऱ्यात माझ्या

मी राऊळी एकला उदास

जिथे तिथे होई मजला

तुम्हा भक्तांचाच भास

खिन्न जाहली ही चंद्रभागा

तिचा गहिवरला श्वास

रित्या रित्या वाळवंटा 

काल्याच्या कीर्तनाची आस

ना टाळ मृदंगाची गोडी 

गर्जे भीवरेच्या तीरी

भक्तीविना वैष्णवांच्या

बघ मौन झाली पंढरी

मी नाथ या पंढरीचा

रे लेकराविना अधुरा

होऊ नका दु:खीकष्टी 

पळवू विषाणूस माघारा

विरहात मम भेटीच्या

नका नका अश्रू ढाळू

मी कर्नाटकु विठ्ठलु 

गे हृदयी तव सर्वकाळू