माझी विठ्ठल रखुमाई
माझी विठ्ठल रखुमाई
माझ्या कष्टाळू तो बाप मायाळू ती आई ,
सर्व कामात उभी ही माझी विठ्ठल रखुमाई ॥ धृ ॥
करती उन्हात ती काम
नाही क्षणभरही आराम ,
काम करता करता
येतो मस्तकी तो घाम .
तुमचा थेंब भरतो घाम आम्हाअमृतधारा राही ॥१॥
संसार गाडा चालवीत तो
चार पायांचा तो रथ ,
असो संकटे वा सुख
चाले त्याला सर्व पथ .
टेकवितो मी माथा या संसाररथापायी ॥ २ ॥
तुम्ही किती सोसतात दुःख
करता अपार हे कष्ट ,
माझ्यासाठी आहात तुम्ही
सर्व जगा पेक्षा श्रेष्ठ .
तुमचा सहवास घडोनी धन्य माझे जीवन होई।।३॥
करती कितीही ते काम
तरी असे प्रेमळ स्वभाव ,
असे खायास मीठ भाकरी
तरी नसे सुखाचा अभाव .
तुम्हा सारखे मायबाप पुन्हा कधीही होणे नाही ४।।
तुमचा प्रत्येक तो शब्द
मला अमृत रुपी वाटे ,
तुम्हासारखे माय बाप
म्हणजे पुण्य कर्माचे साठे .
तुम्हा सारखे दैवत प्रत्येक घरोघरी राही ॥ ५ ॥