माझा शेतकरी राजा
माझा शेतकरी राजा
1 min
510
माझा शेतकरी राजा
कसा उपाशी राबतो
या काळ्या हो आईला
पाणी घामाचं पाजतो
रात उशाशी असताना
निम्या रातीला जागतो
पाणी शेताला हो देण्या
पांदी-पांदीनं धावतो
हात जोडतो बाबा रं
मेघराजा तू बरस
किती विनवणी करु रं
सांग किती मी वरीस
ऊन वा-यात राबतो
भिखनं पावसाचं मागतो
माझा शेतकरी राजा
राती रातीचा जागतो
मेघराजा कधी सांग
काळी आई ही भिजल
शेतक-याच्या झोपडीत
अन्न सुखाचं शिजल
जोडी बैलाची बोलते
कशी डुलत चालते
मेघराजाच्या येण्याने
पिक पिक हो फुलते
माय माती हो माझी
बाप पाऊस झालाय
या शेतकरी लेकाला
मोठं शेतीनं केलंय