लेक आई बाबांची

बाबा नका हो रडू असे आज

जीवनातला आज माझ्या महत्त्वाचा क्षण

जातेय आज मी परक्या घरी

तुम्हीच म्हणालात लेक परक्याच धन |

बाबा मी लेक तुमची

आई मी तुझी लाडली

दादा मी तुझी ताईडी

प्रेमाच्या सावलीत तुमच्या वाढली |

आज मी जातेय सासरी

आई बाबा नका लाऊ जीवा घोर

तुम्ही दिलेले संस्कार बाळगूनी

होईन मी सासरी गुणी फार |

बाबा तुमच्या पाणावलेल्या डोळ्यात

मला दिसते माझ बालपण

अश्रूंचा तो थेंब सांगे मजला

परक्या घरी सोपतोय तुझ तरुणपण |

आईबाबा तुमच्या मायेच्या सावलीतून

आज मी बाहेर पडतेय

दादा तुझी ताईडी

आज सासरी जातेय |

कन्यादान हे तुमचं बाबा

विसरणार नाही कधी मी

सोबत घेऊनी जातेय आठवणी

सदैव तुमच्याच पोटी जन्म घेईन मी |