कोरोना झोन
कोरोना झोन
ग्रीन, ऑरेंज, रेड आले आता तीन झोन
देशभर पसरले बघा याचेच सारे लोन ||
पृथ्वीचा झोन पूर्वी ग्रीनच दिसत होता
मावळतीचा सूर्य ऑरेंजच दिसत होता ||
सिमेंटच्या जंगलांनी पृथ्वी गेली झाकून
अन गाड्यांच्या धुराने सूर्य गेला माखून ||
क्रांतीचे प्रतीक म्हणून रंग होता रेड
आता याची ओळख कशी तर सर्वात जास्त बेड ||
करोना महामारीची सर्वांनीच घेतली धास्ती
प्राण्यांना मारून कश्याला करायची मस्ती ||
ग्रीन झोन म्हणता म्हणता रेड झोन आला
घराबाहेर फिरणारा डोळ्या देखत मेला ||
पेराल तेच उगवाल हीच आहे नित
शासनाने देखील मुभा दिली बसा आता पीत ||
यांच्या पिण्याने म्हणे महसूल शासनाचा वाढेल
महसुला पेक्षा देखील संख्या कोरोनाची वाढेल ||
तीन झोन संपून जिल्हे होतील हॉट स्पॉट
संख्या एवढी वाढेल की शिल्लक नसेल कॉट ||
सांगून सांगून थकलो रोग चालला बळावत
आता तरी सुधारा लोकहो हात जोडतो भागवत ||