गुदमरेल श्वास तुझा

जगात या का असावे तुझे

धोरण फक्त झाडे संपविण्याचे

तू संपण्याआधी सुरू कर 

कार्य क्षणभर त्यांना वाचविण्याचे ||

आता खूप झाले तुझे तुझ्याच

स्वार्थापायी झाडांना तोडणे

गुदमरेल श्वास तुझाच जर नाही

सुरू केले त्यांना पुन्हा लावणे ||

जर तुम्ही हिरवळच संपविली

का येणार नाही दुष्काळ,

आजच लाव एकतरी रोपटे जर

पुन्हा यायचा असेल सुकाळ ||

किती दिवस पुरेल तुला कृत्रिम

प्राणवायू केलेला बाहेरून आयात,

संपेल तिथलाही जर जगभर नाही

केली हिरवळीची निर्यात ||