गौरव गीत

भारत देशा तू आमची आशा - तुझा आम्हा अभिमान

स्तुती कवने तुझी गाऊ किती - करू शतदा तुला प्रणाम!!

तू नभांगणीचा तारा- तू मंद सुगंधित वारा

तू वर्षाची जलधारा - तू लोभस मोरपिसारा

हा श्वास तुझा - विश्वास तुझा - हा प्राण तुला कुर्बान

स्तुती कवणे तुझी गाऊ किती - करु शतादा तुला प्रणाम

तू दुरितांचा कैवारी - दुखितांचा कृष्ण मुरारी

पतीतांचा पालन हरी - तू शांतीदूत अवधारी

कृषिपालक तू गुणग्राहक तू - नर रत्नांची खाण

स्तुती कवणें तुझी गाऊ किती - करू शतदा तुला प्रणाम

अभिवचन आम्ही तुज देऊ - स्वातंत्र्य अबाधित ठेऊ

समज्योत अखंडित लावू - जयगीत तुझे नित गाऊ

प्रतिकास तुझ्या जपणार सदा - जगी तुझी वाढवू शान

स्तुती कवने तुझी गाऊ किती - करू शतदा तुला प्रणाम