दातृत्व

 रस्तेशाही साठी कडेचे

 कित्येक वृक्ष आम्ही तोडले

त्या झाडांवरचे निष्पाप घरटे

 आमच्याच हातांनी मोडले

 मुक्तहस्ते उधळण करताना

नसतो कसलाच भेदभाव

 सगळं देतो साऱ्यांसाठी 

दातृत्व एवढंच त्याचं नाव

फक्त पर्यावरण दिवस म्हणून बोलबाला

इतर वेळी मात्र माणूस नामानिराळा

एवढं मात्र खरं आहे

आमच्या मूलभूत गरजांचा तोच रखवाला

मात्र आम्ही आधुनिकतेच्या शृंगारासाठी 

निसर्गाच्या माथी मारतोय काठी

 कर्माचे फळ भोगतोय

 सिलेंडर घेऊन फिरतोय पाठी

 नियती देते प्रत्येकाला संधी सुधारण्याची

 मात्र इच्छा असावी लागते

परिस्थितीतून काहीतरी शिकण्याची