अष्टाक्षरी रचनाशिर्षक -निसर्

निसर्गाशी करू मैत्री

झाड लाऊनिया दारी

गारगार सावलीने

येते मनास उभारी

सारे मिळून आपण

करू झाडांचे रक्षण

लेणं लेऊन हिरवं

होई धरतीच सोनं

झाड वेलीच्या संगती

गोड गातात पाखरे

काळजाच्या वेदनेला

नवं फुटती धुमारे

तृण भरली धरणी

सदा शोभते हिरवी

राम प्रहरी जागवी

सर्व जगतास रवी

फुल तोडता झाडास

अंतरंगी होते इजा

गंधासाठी देऊ नका

त्यास जन्माची ही सजा

टाकुनिया सारी कामे

लावा बांधावर झाडे

मानवाच्या भल्यासाठी 

त्याची उघडी कवाडे

तोडू नका झाडे कोणी

सारी धरती उघडी

दुष्काळाच्या वनव्याची

डोळा लागते हो झडी

काऊचिऊ साठी बांधा

उभ्या झाडाला झोपाळा

राघू मैना संगतीने

गीत गाईल कावळा