आयुष्य

हास्यावर सुरवात झाली दिवसाची

हास्यावरच होवो अंत

आपलेही दिवस चांगले येतील

करु नको तू खंत

आज वेळ खराब आली 

असं समज जीवनाच्या परीक्षेची सुरवात झाली

जीवनाच्या या परीक्षेमध्ये 

भर तू प्रयत्नांचे रंग

कष्टांची भर घालून 

कर सर्वांना दंग

ऊन-सावलीसारखी वेळ ती

तुझ्या प्रयत्नांपुढे वेळही बदलेल

ताऱ्यासारखे नशीब ते 

तुझेही चमकेल

जीवनाच्या ह्या कसोटीत 

खंबीर तू उभा रहा 

न घाबरता संकटांना 

बिन्धास तू सामोरे जा

जीवनाच्या वाटेवार येतात 

सुखदु:खांचे चढ-उतार 

ऊदास होऊ नकोस तू

फक्त हसत हसत कर पार