आजार शिक्षणाचा

तू मोठा की मी

चढाओढ श्रीमंतीची

मनाचा कोंडमारा

ससेहोलपट लेकरांची

अपेक्षांच्या ज्वालांनी

होरपळ त्या जीवांची

पैसाच झालाय सर्वस्व

मनाला किंमत शून्याची

धसका घेता इंग्रजीचा

अब्रू जाते पालकांची

आवड त्यांची जाणाहो

भीती नको इंग्रजीची

हलकं पारडं बालकांचं

भूल पडे पैशाची

अट्टाहास हा कशापायी

किंमत जाणा जीवनाची

राजहंस काळजातील

भूक त्यांना मायेची

हसत खेळत शिकू द्या

मजा लुटू द्या जीवनाची