आधुनिक काळातील स्त्री

बंध सारे झुगारून मी

व्यक्त झाली जगासमोर

आधुनिक युगातली स्त्री

नाही झुकणार कुणासमोर

प्रत्येक क्षेत्रात माझी

ओळख आहे स्वतःची

गर्वाने सांगेन मी जगास

मी स्त्री ही नव्या युगाची

नव्या दिशा नव्या वाटा

माझ्यासाठी सगळ्या खुल्या

प्रत्येक क्षेत्रात पाऊल टाकते

नकोच आता नीयमावल्या

काळ बदलला मी ही बदलली

काळानुसार चालू लागली

न थांबता कुठेच मध्ये

सैर पर्वतांची मीही केली

भूमिका किती निभवता

माझ्यामधली मी जागली

आधुनिक युगाची मी

ऊंच आकाशी झेपावली