ചുവപ്പ്

നടന്നു തീർത്ത വഴിയിലുടനീളം          ചുവപ്പിൻ്റെ ഓർമ്മകൾ.....                        അമ്മ നെറ്റിയിലെ സിന്ദൂരച്ചുവപ്പ്; വലിയമ്മ തുന്നിയ കുപ്പായത്തിൽ സ്നേഹച്ചുവപ്പ്......           ഉൽസവച്ചന്തയിലെ പമ്പരവട്ടച്ചുവപ്പ്; ചെമ്പരത്തിച്ചുവപ്പ്...........                     അച്ഛൻ വാങ്ങിയ പുള്ളിക്കുടയുടെ കൗതുകച്ചുവപ്പ്.......                                എന്നെ ഞാനാക്കിയ കൗമാരച്ചുവപ്പ്; പ്രതീക്ഷയുടെ ചുവപ്പ്.......                   പ്രണയം നീട്ടിയ പനിനീർച്ചുവപ്പ്; വിപ്ലവച്ചുവപ്പ്......                             ഒടുവിലൊരു കുപ്പിയിൽ       സഹപാഠിയുടെ ജീവനായ്                                 തീർന്നതെൻ ഹൃദയച്ചുവപ്പ്!!