વરસાદ

વરસાદી ફોરાંથી લથબથ આ માટીને

ખીસ્સામાં નાખીને ભાગીએ

સપનાનું ઘાસ લઈ, રંગોની તાંસ લઈ

મનગમતા ટુકડાને રાગીએ

ભીનેરા ...

પંખીના ટહુકાનો મીઠ્ઠો કિલકાર અને

સનનન હવાની આ ઝાંઝરી

ઝરમરતી ધારમાં ઊભી ભીંજાય

જુઓ આંગણની ક્યારીમાં માંજરી

માંજરને પહેરાવી ઝાંઝરની જોડ

પછી લીલેરી માળા રોપાવીએ

ભીનેરા ....

સૂરજ ને ચાંદાએ માંડી છે ગોઠ 'એલા

ક્યારે સંતાવું, દેખાવું !

આ વીજળીને લેવો છે સોંસરવો દાવ

હવે કેમ કરી એને સમજાવવું !

વાતો લક્કાઈને તારલિયા સાંભળી

દોડ્યાં જો આભની અટારીએ

ભીનેરા...