ઉર ઊર્મિ

દૂર દૂરથી પાયલનો મીઠો રણકાર સંભળાય

કોઈ દૈવીશક્તિ આવે છે મુજ પાસ 

એવો થાય મને ભાસ,

કર્ણો મારાં તે જ સમયે સાંભળે મીઠી વાત

દીકરી પધારી મુજ ઘરઆંગણે જાણે માતાજી સાક્ષાત,

સાંભળી આ વાત આનંદ ઉર ઉભરાય

લેતાં એને હાથમાં નયને હર્ષાશ્રુ આવી જાય,

નસીબવંત અમ ઘર આંગણું, જ્યાં તે પાવન પગલી કરી,

બનીશ તું અમ પરિવારની જીવનધરી,

દીકરી તું મા શારદા, મા લક્ષ્મી તું નવશક્તિ સ્વરૂપ,

તું કોકિલ પરિવારની તું જ અમ જીવનસૂર.