મારા પપ્પા મારા હીરો

મલે મનખો ફરી આ ખોળિયે તો તમારા ને તમારા જ આંગણાની તુલસી બની આંગણે ઉછેરવું છે મારે પપ્પા,

વહેવું છે મારે તમારા જ વહેણમાં, તમારું જ હૃદય બની કાળજા કેરો કટકો બની ઉછેરવું છે મારે પપ્પા,

તમારી બાહોના ઝૂલામાં માસુમ ખિલતું ફૂલ બની ઝૂલવું છે ને તમારા મધમધતા પ્રેમભર્યા બાગમાં ઉછેરવું છે મારે પપ્પા,

મલે મનખો ફરી આ ખોળિયે તો તમારા જ અલૌકિક પ્રેમને મારે ફકીર બની ઝંખવો છે ને, તમારી જ આંખોનું રતન થઈ ઉછેરવું છે મારે પપ્પા.