હળવાશ ૧૭

મળશે વિચાર સારો હળવાશની પળોમાં,

શાતા કરે ઉતારો હળવાશની પળોમાં,

બોજો બહું જગતનો માનવ શિરે છે આજે,

ઉતરે સદા આ ભારો હળવાશની પળોમાં,

કાયમ કરે વિલાપો માનવ મળે સમય ના,

તો જાતને ઉગારો હળવાશની પળોમાં,

છોડી બધું નકામું આતમ ને ન્યાય આપો,

બસ જિંદગી સવારો હળવાશની પળોમાં,

ભારણ છે જિંદગીમાં આ પાનખર સરીખું,

ખીલી જશે બહારો હળવાશની પળોમાં,

સીમિત થઈ ગયું છે જીવન અધીર રીતે,

તો વ્યાપ એ વધારો હળવાશની પળોમાં,

શબ્દો "અમર" ન થાયે ચિંતા સતત સતાવે,

આવો ગઝલ પધારો હળવાશની પળોમાં.