ଆପଣଙ୍କୁ ନିମ୍ନରେ ପ୍ରଦତ୍ତ ଗଳ୍ପାଂଶର ଭାବ ବା ବିଷୟକୁ ଗ୍ରହଣ ପୂର୍ବକ ଏକ ନୂତନ ଗଳ୍ପ ପ୍ରସ୍ତୁତ କରିବାକୁ ପଡ଼ିବ। ଅବଶ୍ୟ ଏହା ବାଧ୍ୟତାମୂଳକ ନୁହେଁ ଆପଣ ନିଜସ୍ୱ ଗଳ୍ପ ମଧ୍ୟ ଉପସ୍ଥାପିତ କରିପାରିବେ। ଏ କ୍ଷେତ୍ରରେ ଆପଣ ସ୍ଵାଧୀନ।

.............................................

05-06 JUNE 2022

‘ଲୋ ରେବତୀ, ଲୋ ରେବି, ଲୋ ନିଆଁ, ଲୋ ଚୂଲି ‘ । 

(ରେବତୀ - ଫକୀର ମୋହନ ସେନାପତି)

...

07-08 JUNE 2022

ଗାଡ଼ି ଯିବା ପରେ ଲୋକେ ରୁଣ୍ଡ ହୋଇଥିବା ଥାନାକୁ ଜହ୍ନ ଚାଲି ଚାଲି ଗଲା । ଟାଙ୍ଗର ଉପରେ ଦାମର କଞ୍ଚା ଲହୁ ମନ୍ଦା ମନ୍ଦା ହୋଇପଡ଼ିଚି । ଏକା ନଜରରେ ସେହି ରକ୍ତଓଦା ଭୂଇଁ ଖଣ୍ଡକ ସେ କାବା ହୋଇ ଚାହିଁ ରହିଲା. . . ।

(ବିଟ୍‌ଘର ଓ ରେଳଗାଡ଼ି- କାଳିନ୍ଦୀ ଚରଣ ପାଣିଗ୍ରାହୀ )

...

09-10 JUNE 2022

ମଶାଣିରେ ନିଆଁ ଜଳିଲା, ଆକାଶରେ ପକ୍ଷୀ ଉଡ଼ି ଧୂଆଁ ପାର ହେଲେ, ପୃଥିବୀରେ ଦୁଇ ଲକ୍ଷ ଲୋକ ସେ ଖବର ପାଇ ଦୁଃଖରେ କହିଲେ- “ଆହା, ମାଗୁଣୀ ଚାଲିଗଲା !”

(ମାଗୁଣୀର ଶଗଡ଼ - ଗୋଦାବରୀଶ ମହାପାତ୍ର)

...

11-12 JUNE 2022

ବୁଢ଼ା ଆଉ କହିପାରିଲା ନାହିଁ । ଗାମୁଛାରୁ ତା’ର ବଡ଼ ଯତ୍ନର ବଡ଼ ଶରଧାର ଶଙ୍ଖା ମୁଠିକ ଫିଟାଇ ପକାଇ ବାହାରେ କଚାଡ଼ି ଦେଲା । ଶଙ୍ଖାମୁଠାକ ଯାକ ଚୁନା ହୋଇଗଲା । ତହୁଁ ସେ ଏକାମୁହାଁ ହୋଇ ଫେରିଚାଲିଗଲା । ଦାସୀ ଓ ଶାଶୁ ରଡ଼ି କରି ଉଠିଲେ । 

(ବୁଢା ଶଙ୍ଖାରି - କାନ୍ତକବି ଲକ୍ଷ୍ମୀକାନ୍ତ ମହାପାତ୍ର)

...

13-14 JUNE 2022

ସେମାନେ ମତେ ହାତ ହଲେଇ ବିଦାୟ ଦେଉଥିଲେ । ମୋର ମନେହେଲା ଭଗବାନଙ୍କର ନିଷ୍ଠୁର ସୃଷ୍ଟିର ଦୁଇଟି ନିଃସଙ୍ଗ ଅଭିଶପ୍ତ ମନୁଷ୍ୟ ପିତୁଳା ଆକାଶକୁ ହାତ ତୋଳି ନାଚୁଛନ୍ତି ।

(ଡିମିରି ଫୁଲ - ଅଖିଳମୋହନ ପଟ୍ଟନାୟକ)

...

15-16 JUNE 2022

ମୁଣ୍ଡରେ ତା’ର ଗୋଟିଏ କଳାକନାର ଖୋଳ ପିନ୍ଧାଇ ଦିଆଗଲା । ଘିନୁଆ ମନେ ମନେ ବିଚାରିଲା – ଆଖିରେ ଅନ୍ଧ ପୋଟଳି ଦେଇ ହାତରେ ତା’ର ସୁନାରୂପା ଢାଳି ଦିଆଯିବ ।

(ଶିକାର - ଭଗବତୀ ଚରଣ ପାଣିଗ୍ରାହୀ)

...

17-18 JUNE 2022

ଦିନେ ଡାକ ମୁନ୍‌ସି ବାବୁ ବାପକୁ କହିଦେଲେ, “ଦେଖ, ତୁମେ ମୋର କିଛି ଉପକାର କାରି ନାହଁ, ଇଚ୍ଛା ହେଲେ ବସାରେ ରହ, ନୋହିଲେ ଚାଲିଯାଅ । ଆଉ ଦେଖ, ବାବୁମାନେ ଆମ ଦୁଆରକୁ ଆସିଲେ ତୁମେ ଘରୁ ବାହରିବ ନାହିଁ ।”

(ଡାକ ମୁନ୍‌ସି - ଫକୀରମୋହନ ସେନାପତି)

...

19-20 JUNE 2022

ସେଦିନ ମହନ୍ତଙ୍କର ଭାରି ନିଶାନରେ ଜ୍ଞାନ ଲୋପ ହୋଇଥିଲା । ଲାସ ଭାରି ମଣିଷ, ଭାରି ଚିମୁଟାଟାରେ ଖୁବ୍ ବଳରେ ପାହାରେ ମାରିବାରୁ ଉପର ମାଟି ଆଉ ନିଆଁ ସବୁ ଖାତରେ ପଡ଼ିଗଲା । ଦୁଇଟା ଲୋକ ଧରା ପରା ହୋଇ ପୋଡ଼ିମଲେ ।

(ଧୂଳିଆ ବାବା - ଫକୀର ମୋହନ ସେନାପତି )

...

21-22 JUNE 2022

ଯେତେବେଳେ ସେ ଆଖି ଫିଟାଇଲେ, ଦେଖିଲେ ସ୍ଵେଚ୍ଛାସେବକ ତାଙ୍କୁୁ ଡାକୁଛନ୍ତି, ବେଣୁଧର ପଥର ପରି ତଳେ ପଡିଛି ତାଙ୍କ ମୁହଁରୁ ପଦେ କଥା ବାହାରିଲା – “ଏ ଜାତି ଏବେ ମଧ୍ୟ ବଞ୍ଚିଛି ।”

(ଏବେ ମଧ୍ୟ ବଞ୍ଚିଛି - ଗୋଦାବରୀଶ ମହାପାତ୍ର)

...

23-24 JUNE 2022

ଆଉ ଅନ୍ତା ପାଟି ଶୁଭିଲା ନାହିଁ । ମାଟି ସେହିପରି ପଡୁଛି । ପାଣି ସୁଅଟା ବନ୍ଦ ହୋଇଗଲା । ଲୋକମାନଙ୍କର ଭରସା ହେଲା, ଟିକିଏ ନିଶ୍ୱାସ ପକାଇଲେ । ତେତେବେଳେ ଖୋଜିଲେ ଅନ୍ତା କାହିଁ ? ଆଉ ଅନ୍ତା ? ତା’ ମୁଣ୍ଡ ଉପରେ ଦି’ ହାତ ମାଟି । 

(ରାଣ୍ଡିପୁଅ ଅନନ୍ତା - ଫକୀର ମୋହନ ସେନାପତି)

...

25-26 JUNE 2022

ଶ୍ୟାମଘନ ବାବୁ ହସି ହସି କହିଲେ, “କାହିଁ ବୈଦ ଶାସ୍ତ୍ର, ଡାକ୍ତରୀ କିତାବ କାହିଁରେ ଏ ରୋଗକୁ ଏ ଔଷଧର ତ ବ୍ୟବସ୍ଥା ନାହିଁ ?” ଗୋପୀ ବାବୁ କହିଲେ “ଆରେ ତୁମେ ବୁଝିଲ ନାହିଁ, ଏଇଟା ସାନ୍ତାଣୀଙ୍କର ଆବିଷ୍କାର “ପେଟେଣ୍ଟ୍‌ ମେଡ଼ିସିନ୍‌ ”

(ପେଟେଣ୍ଟ୍‌ ମେଡ଼ିସିନ୍‌ - ଫକୀର ମୋହନ ସେନାପତି)

...

27-28 JUNE 2022

ମୁଣ୍ଡି ସାହାଡ଼ା ମୂଳରେ ଲୋକ ଜମା ହୋଇଛନ୍ତି । ରାଧା ଜିଭ କାମୁଡ଼ି ପଡ଼ିଛି । ଦୂରରେ ଛିରିକି ପଡ଼ିଛି ଟାଙ୍ଗିଆ ଖଣ୍ଡେ । ମୁଣ୍ଡି ସାହାଡ଼ା ମୂଳରେ ଦି’ ଚାରି ଚୋଟ କୁରାଢ଼ି ଦାଗ, କ୍ଷୀର ନିଗିଡ଼ି ପଡୁଛି । ରାଧାର ପାଦ ଉପରେ ନାଗ ଦଂଶନର ଚିହ୍ନ । ଛୋଟ ଛୋଟ ଦିଓଟି ଦାଗ । ଠାକୁରାଣୀର ପ୍ରତାପ ! 

(ମୁଣ୍ଡି ସାହାଡ଼ା - କାହ୍ନୁଚରଣ ମହାନ୍ତି)

...

29-30 JUNE 2022

ମୁଁ ଗତ ରାତିର ଭୟଙ୍କର ଝଡ଼ କଥା କହୁଛି । କହିଲେ ପ୍ରବାଳ କିଶୋର । ଡମ୍ବରୁଧର ସ୍ବାଗତୋକ୍ତି କଲା ଭଳି କହିଲା, ହଁ ଥଣ୍ଡା ପବନ ବହୁଥିଲା ଅବଶ୍ୟ । ଆଉ ବର୍ଷା ବି ଆରମ୍ଭ ହୋଇଥିଲା । ତେବେ ଝଡ଼ଟାଏ କେତେବେଳେ ଚୁପ୍‌ଚାପ୍‌ ହୋଇଗଲା । ମୁଁ ଆଜ୍ଞା ନିଦରେ ଶୋଇପଡ଼ି ଜାଣିପାରିଲି ନାହିଁ । 

(ଝଡ଼ର ଗତିପଥ - ମନୋଜ ଦାସ)

...

01-02 JULY 2022

ଏବେ ଆମ ବାହାଘରକୁ ୫ ବର୍ଷ ବିତିଗଲାଣି, ଆମର ଗୋଟେ ପିଲା ବି ହେଇ ସାରିଲାଣି । ହସଖୁସିରେ ଆମ ସଂସାର ଚାଲିଛି । ହେଲେ ଏବେ ବି ଯେତେବେଳେ ସେ କଥାଟି କିଏ କହେ "ଉଚ୍ଚ କପାଳୀ ଘଇତା ଖାଇ" ମତେ ଭାରି ହସ ଲାଗେ ।

(ଉଚ୍ଚ କପାଳୀ ଘଇତା ଖାଇ - ଅଭିରାମ ମଣ୍ଡଳ )

...

03-04 JULY 2022

ଜୀବନରେ ସିନା ଗୋଟିଏ ପିଲାର ମାଆ ହୋଇ ପାରିଲିନି, କିନ୍ତୁ ଆଜି ଶହେରୁ ଅଧିକ ପିଲାଙ୍କ ମାଆ ହୋଇ ଦିନ କାଟୁଛି । ସେମାନଙ୍କର ହସ କାନ୍ଦ ସୁଖ ଦୁଃଖର ସାଥୀ ହୋଇଛି ।

(ପରିପୂର୍ଣ୍ଣା - ସୁଷମା ପାରିଜା )

...

05-06 JULY 2022

ଆଜି ମୁଁ ଓ ମୋ ଭାଇମାନେ ଘର ସଂସାର କରି ମାଆ ବାପା ହୋଇସାରିଲୁଣି; କିନ୍ତୁ ଭୁଲିନୁ ସେଇ ଘଡିଭଙ୍ଗା ଦିନର ବାପାଙ୍କ “ନିରବ ଝଡ”ର କାହାଣୀକୁ ଏ ପର୍ଯ୍ୟନ୍ତ । 

(ନିରବ ଝଡ଼ - ସତ୍ୟବତୀ ସ୍ଵାଇଁ )