“
గజల్
నా దుఃఖం నాకివ్వు ఓ కవితరాసుకోవాలి
ఓ శూన్యం బదులివ్వు ఓ కథగముగిసిపోవాలి
ఆ దూర తీరాల్లో నే కలగన్న గమ్యాలు
ఆ మార్గం కరిగించు నా మనసు చేరుకోవాలి
ఎదలోపల ఎవరెరుగని ఈ గాయాల సలుపేంటి
ఓ కునుకును వరమివ్వు నే కలగకరిగిపోవాలి
జాలి లేని కాలానికి ఏ జావళి పాడగలను
నా గతమును తిరిగివ్వు చిరునవ్వు పూసుకోవాలి
మండని ఏ గుండెలకూ గెలుపుండదు ఓ సత్యా!!
ఏ మరణం రానివ్వు ఓ చరితరాసిపోవాలి…
సత్య స్వరాళి
”