ప్రేమ

ప్రేమ

ఇరువురి హృదయాలు ఒకటై

జంటగా అడుగలేసిన మనసులు

అనుకోని అలికిడి అదిరిన ప్రేమ

సమాజ జనుల మాటల తూటాలకు

రక్తమోడుతున్న ప్రేమమనసులు

ఆరాటపడుతున్నా ఆలింగనం కోసం

ఆవిరవుతున్నా ఆనందాల్ని కోల్పోతూ

నా గుండెచప్పుడు గునపాల మోతలై

నా మనసుకు గుండుసూధులై గుచ్చుతుంటే

అందనంత దూరంలో ప్రేమ

ప్రేమ బందీఖానాలో నేను

చేయి చాచి అందుకోలేకున్నా

నిన్ను పొందలేకున్నా ప్రేమా...

ఏక వర్ణ ప్రేమ ఏకాంతం కోల్పోయి

ఏడడుగులకు ఏడేడు జన్మలు

నీ ప్రేమను పొందడానికి ఎదురుచూస్తా

ఈ చెరసాల మాటున ప్రేమఖైదీనై!!

- కుంచె శ్రీ