కరోనా తీరులు- కదలని బడులు
కరోనా తీరులు- కదలని బడులు
పుస్తక ప్రపంచాన్నే చుట్టుముట్టి
నొక చిన్నిచేతిలోకి మార్చినట్టు
ఆగమ్యమై మారినది ఆన్లైన్ బోధన
చదువులతోటి అనుక్షణం
ముఖాముఖి చదువులన్నీ
మూగబోయే నేడు
సంస్కారమైన నమస్కారకార్యాలు
సాగలేవుగా ఈయేడు
గణగణమనే బడిగంటల్లేక
రింగురింగుమనే సెల్లుఫోనులో
ఆగినాది నేడు ఆన్లైన్ చదువు
పిల్లలకయ్యేనా అది మొక్కలకై ఎరువు
అమ్మ ఆవులంటూ నేర్వాల్సిన జ్ఞానం
హలోహలో లోన యిమిడినాది
మంచి మానవత్వాలన్ని
మరొక తరుణమై నిలిచినాయి
కరోనా వ్యాధియై కనికరించక
కరువురక్కసై కాదనకుండా సేసి
నోటికేగని చేతికూడులా
మార్చినాది బతుకు కరుణ లేక
ఆగమ్యగోచరమై నిలిచే జీవము
అంతుచిక్కని ఆపదలా
అందరిపై ప్రభావం చూపినాది
రంగాలన్నవి లెక్కసేయకిలా
తత్ఫలితమై ఆగెను సరస్వతి సంద్రాలు
సృష్టించెగా అల్లకల్లోలాలు
నిర్మూలనకై సేయగోరె కార్యక్రమాలు
ఉద్భవించెగ ఆన్లైన్ చదువులు