ବରଷା ରାଣୀ
ବରଷା ରାଣୀ
1 min
12.4K
ଯା' ପାଇଁ ବିକଳ ହୁଏ
ସପନେ ଯେ ମୋତେ ଛୁଏଁ,
ଚମକି ଉଠି ମୁଁ ଦେଖେ
କେହି ନୁହେଁ କେହି ନୁହେଁ....
ରିମ୍ ଝିମ୍ ତା' ପାଉଁଜି
ଶବଦ ଶୁଭୁଛି ଆଜି,
କାହିଁ ଗୋ ବରଷା ରାଣୀ
କୋଉଠି ଗଲ କି ହଜି....
ସଦର ଦରଜା ଡେଇଁ
ଭିଜିବାକୁ ଆସେ ଧାଇଁ,
ଏ କେମିତି ଆକର୍ଷଣ
ଜାଣେନି, କେଜାଣି କାଇଁ....
ବରଷାର ବାରିଧାରା
ପରଶେ ପୂରଇ ଧରା,
ସେ ଅମୃତ ପାନ ପାଇଁ
ସାଜେ ମୁଁ ଚାତକ ପରା....
ଭିତରେ ବିରହୀ ପ୍ରିୟା
ବାହାରେ ବରଷା ଛୁଆଁ
ଶିହରଣ ଯାଏ ଖେଳି
ଜାଳେ ମୋତେ ମିଠା ନିଆଁ....
ପ୍ରିୟା ଯେବେ ଝର୍କା ଖୋଲେ
ଅଧା ଫର୍ଚ୍ଚା ଆଲୁଅରେ,
ଦେଖେ ମୁଁ ଭିଜୁଛି ବୋଲି
ବର୍ଷାକୁ ସେ ଈର୍ଷା କରେ....