'आयुष्य'
'आयुष्य'
1 min
759
आयुष्यभर सोबत असून
जवळ कधी बसत नाही
एकाच घरात राहून
एकमेकास दिसत नाही
हरवला तो आपसातला
जिव्हाळ्याचा संवाद
एकमेकास दोष देत
नित्य चाले वाद विवाद
धाव धाव धावतो आहे
दिशा मात्र कळत नाही
हृदयाचे पाऊल कधी
हृदयाकडे वळत नाही
इतकं जगून झालं
पण जगायला वेळ नाही
जागतो आहोत कशासाठी
काहीच कसला मेळ नाही
क्षण एक येईल असा
घेऊन जाईल हा श्वास
अर्ध्यावरच थांबलेला
असेल जीवन प्रवास
अजूनही वेळ आहे
थोडं तरी जगून घ्या
सुंदर अश्या जगण्याला
डोळे भरून बघून घ्या