दीड जीबी

दीड जीबीने घातलंय थैमान

सर्व जनजीवन झालंय हैराण

यानं प्रगती झाली का नुकसान 

हे कळायला असायला हवे भान

तरुण पिढी सतत आहे ऑनलाईन

यांमुळे नक्कीच वाढतंय बेरोजगारीपण

कोण सांगणार या तरुण पिढीला

हे सर्व सोडून लागा कामा-धंद्याला

दीड जीबीने व्यापलंय जनजीवन

यामुळे नक्कीच कमी झालंय माणुसकीपण

आता कोणालाच कोणाची गरज नाही

कारण आता ऑनलाईन आहे सर्वकाही

दीड जीबीने मित्र राहिला नाही मित्राचा 

यामुळे कमी झालाय वारसा प्रेमाचा

म्हणून म्हणतो लवकर सारे व्हा जागे

नाहीतर कोणीच रडणार नाही आपल्यामागे