ଘିମିରି
ଘିମିରି
1 min
1.4K
ଝାଞ୍ଜି ପବନ ସହ ଯେବେ ଗୁଳୁଗୁଳି ମନଚୁକୁ ଦହଗଂଜ କରେ, ପ୍ରବଳ ଝାଳ ନିଥିରେ ଦେହରୁ | ଖରାକୁ ଜମ୍ମା ତାର ଡର ନଥାଏ,ବରଂ ସାଦରେ ନିଉତା ଦେଉଥାଏ | ଏଇଥିପାଇଁ ଯେ,ସେ ମନଭରି ଦେଖିପାରେ ରତନୀକୁ |
ରତନୀ ଧାଁଗଡି | ସାଜ ହୁଏ, ଲାଜ ହୁଏ | ମନଚୁ ତାକୁ ପସନ୍ଦ କରେ | ଗୋରା ଫିନଫିନ ମନଚୁ ଦେହରେ ଖରା ଦିନେ ଘିମିରି ଉକଟି ଆସେ | ଖୁସିରେ ଫାଟିପଡ଼େ ସେ |
ଘିମିରି ଫୁଟେଇବା ବାହାନାରେ ଡାକେ ରତନୀକୁ | ଆମ୍ବ ଗଛ ଛାଇରେ ଘିମିରି ଫୁଟେଇ ଦିଏ ସେ,କାଠ ପାନିଆ କି ବାଡ଼ୁନଖୁଟିରେ କେଞ୍ଚି | ଘିମିରି ଫୁଟିଲେ ଯେତିକି ଉସତ ଲାଗେ,ତା'ଠୁଁ ରତନୀର ଛୁଆଁ ଦେହକୁ ଶିହରିତ କରେ |
ଏ ବର୍ଷର ଖରା ନିଆଁ ବରଷୁଛି | ଜବର ଗୁଳୁଗୁଳି | ନିର୍ଧୁମ ଝାଳ | ମନଚୁ ଝୁରି ହେଉଛି ରତନୀକୁ ଥରେ ପାଖରେ ପାଇବାକୁ | ହେଲେ ସେ କିଛି ଵି ବାହାନା ପାଉନି |
ମନଚୁ ଦେହରେ ଘିମିରି ହୋଇନି ଏଥର |
ଧଅଁରାମାଳ,ରୁପ୍ରା
ରୁପ୍ରାରୋଡ,କଳାହାଂଡି
ପିନ -766101
9556137077
writerdileswar@gmail.Com