ଲାଇବ୍ରେରୀ
ପ୍ରୋଫାଇଲ୍
ଯନ୍ତ୍ରଣା
ଯନ୍ତ୍ରଣା
1 min
324
କିଛି ଯନ୍ତ୍ରଣା
ଫୁଟ୍ ପାଥ୍ ରେ ରହୁଥିବା
ଲୋକଙ୍କର ଦୁର୍ଦ୍ଦଶା ପରି
ଯିଏ ବାହାରୁ
ଢଳ ଢଳ ଦେଖାଯାଏ
କିଛି ଯନ୍ତ୍ରଣା
ଛାତି ତଳେ ଦମ୍ଭ ହେଇ
ଠିଆ ରହେ
ମଶାଣି ଭୂଇଁରେ
ତୋଳା ସମାଧି ପରି
କିଛି ଯନ୍ତ୍ରଣା
ଅଭିନୟର ଭସାବାଦଲ
ଗହନରେ କ୍ଷଣକେ
ଲୁଚାଇ ହୁଏ ସିନା
ଆରଘଡି ରେ ପୂର୍ଣ୍ଣମୀର
ଜହ୍ନ ପରି ଉଇଁ ଆସେ
କିଛି ଯନ୍ତ୍ରଣା
ଶୀତ ସକାଳର କାକର ଭିଜା
ସତେଜ ଫୁଲ ପରି
ଯିଏ କେବେ
ହୃଦୟ ଶାଖାରୁ ଝରେନା
କି ଝାଉଁଳେନା
ଜୀବନତମାମ ସାଥିରେ ରୁହେ
କିଛି ଯନ୍ତ୍ରଣା
ଭୁଲି ହେଇ ଯାଏ
ଆପେ ଆପେ କୋଉ
ଅଦିନିଆ ବର୍ଷାରେ ଭିଜିବାର
ଘଟଣା ପରି
ଆଉ କିଛି ଯନ୍ତ୍ରଣା
ଭୁଲିବାକୁ ଚାହିଁଲେ ବି
ମନେ ପଡେ ପ୍ରତିଦିନ
ଇଚ୍ଛା ଥାଉ କି ନ ଥାଉ
କିଛି ଲୋକଙ୍କ ସହ
ନିତି ଦିନିଆ ଦେଖା ହେବା ପରି
