ତୁମ ପାଇଁ

ଅପେକ୍ଷା କର ଥରେ

ସୂର୍ଯ୍ୟକୁ

ଉଦୟ ହେବା ଯାଏ

ନୂଆ କିରଣ ଆସିବା ଯାଏ

ପୂର୍ଣ୍ଣିମାର ଚନ୍ଦ୍ରକୁ

ପୂର୍ଣ୍ଣ ରୂପ ନେବା ଯାଏ

ବହୁ ଥର ଘଟିଥିବା ଏମିତି

ନୂଆ କିରଣରେ ଆସିଥିବା ମଧ୍ୟ

ନୂଆ ନୂଆ କେତେ ସ୍ଵପ୍ନ

ସବୁ ନିଏନା ବାସ୍ତବ ରୂପ

ଧୂଳିସାତ୍ ହୋଇଯାଏ କିଛି ଅମାବାସ୍ୟାର ଅନ୍ଧକାରରେ ... ।

କିନ୍ତୁ

କାନ୍ଦିଲେ ଲୁହ ସରିଯିବ

ଭାବିଲେ ମନ ମରିଯିବ

ଅପେକ୍ଷା କର

ପବନ ବହିବାର ଅନ୍ତ ଯାଏ

ସାଗରର ଶୋଷ ମେଣ୍ଟିବା ଯାଏ

ଆକାଶ ରୁ ତାରା ଖସିବା ଯାଏ

ଅପେକ୍ଷା କର ସବୁକିଛି ର ଶେଷ ଯାଏ .... ।

ତୁମ ପାଇଁ ଆସିବ ଏକ ନୂଆ ସକାଳ

ହାତ ପାହାନ୍ତାରେ ଥିବ ପୂର୍ଣ୍ଣିମା ଜହ୍ନ

ପ୍ରେମିକା କୋଳରେ ହଜି ଯାଉ ଥିଲେ ବି ,

ଦେଖିପାରୁଥିବ ....

ତୁମକୁ ଭଲ ପାଉଥିବା ଅନେକ ମଣିଷଙ୍କ ମୁହଁରେ

ହଜି ଯାଉଥିବା ସେ ହସ ,ସ୍ନେହ ଆଉ ସଦିଚ୍ଛାର କୋମଳ ସ୍ପର୍ଶ .।