ତମାଖୁ ସେବନର ବାର୍ତ୍ତା

ରେ ବାୟାମନ ଜାଣି ଜାଣି ନିଜ ଗୋଡ଼

ରେ କାହିଁ ପକାଉ ନିଜେ କୁରାଢି କାତି।

ବେଳଥାଉ ସଚେତନ ନ ହୋଇବୁ ଯଦି

ଅଦିନରେ ସରିଯିବ ଶରୀର ରୂପକ ସମ୍ପତ୍ତି।

ସୁସ୍ଥ ସୁନ୍ଦର ଶରୀର ହୋଇବ ନାହଁ ତୋହର

ବାଇଦ ସାଙ୍ଗରେ ବସିବୁ ମଇତର।

କର୍କଟ ରୋଗର ସୃଷ୍ଟି ହୋଇଥାଏ

ତମାଖୁ ସେବନ ଦ୍ଵାରା ।

ଥରେ ଏହି ରୋଗ ଗ୍ରାସ କରିଗଲେ 

ଭଲ ହୁଏ ନାହିଁ ପରା ।

ତମାଖୁ କୁ ଯଦି କରିବୁ ଆପଣାର

କର୍କଟ,ହୃଦରୋଗ ପୀଡ଼ିତା ହୋଇବୁ ପାମର ।

ଗଞ୍ଜେଇ ଧୂଆଁ ସହିତ ବିଡି,ସିଗାରେଟ ର

ଧୂମ୍ରକୁ ଯଦି କରିବୁ ସେବନ ।

ଆୟୁ ଥିବ ତୋର ହେଲେ ଅକାଳରେ 

ବାନ୍ଧିନବ ତୋତେ ସେ କାଳ ରୁପି ଯମ ।

ତମାଖୁ ସେବନ କରେ ଅର୍ଥ ହାନି 

ଫୁସଫୁସ୍ କୁ କରିଦିଏ ଦମନ ।

ପୁତ୍ର ଭାରିଯା କୁ ଦାଣ୍ଡରେ ବସାଇ

କରିଦିଏ ବହୁ ହୀନିମାନ ।

ଧନ,ରତ୍ନ,ଜମି ବାଡ଼ି ସବୁ ବିକ୍ରି କରି

ତୋର ଚିକିତ୍ସାଳୟରେ ସାରିଦେବୁ ।

ତଥାପି ଏ ବ୍ୟାଧି ତୋର ଛାଇ ପରି ଥିବ

ତୋତେ ନ ନେବା ପର୍ଯ୍ୟନ୍ତ ଏ ଭବୁ ।

ଶେଷ ରେ ଛ ' ଖଣ୍ଡ କାଠରେ 

ତିଆରି ହେବ କୋକେଇ ।

ମାଟିର ଶରୀର ମାଟି ହୋଇଯିବ

ରଖି ପାରିବନି ତୋତେ କେହି ।

ରେ ବାୟାମନ ଜୀବନ ରେ ଆଉ 

କରନାହିଁ ତମାଖୁ ସେବନ ।

ତମାଖୁ ସେବନ ନକରିଲେ ଆଉ

କର୍କଟ ରୋଗର ରହିବ ନାହିଁ ଚିହ୍ନବର୍ଣ୍ଣ ।