ସର୍ତ୍ତ
ସର୍ତ୍ତ
1 min
1.6K
ସର୍ତ୍ତ
••••
ଯଶୋବନ୍ତ ସେଠୀ
ସବୁ ସର୍ତ୍ତରେ ତୋର ମୁଁ
ନିଃସର୍ତ୍ତ ହଁ ଭରିଥିଲି ,
ମୋର ଅପାରଗତାକୁ
ପଛ ପକେଟ୍ରେ ପୂରାଇ
ଅସମ୍ଭବ ପ୍ୟାଣ୍ଟ୍-ସାର୍ଟ୍ ମାନଙ୍କୁ ମୋ
ଅଲୁଗୁଣିରେ ଟଙ୍ଗାଇ ,
ବିନା ଡେଣାରେ ମୁଁ
ଆକାଶରେ ଉଡିଥିଲି ,
ପହଁରା ନଜାଣି ମଧ୍ୟ
ତୋରି ପାଇଁ ପାଣିରେ ପହଁରିଥିଲି ।
ଆଉ କ'ଣ ସର୍ତ୍ତ ଅଛି କହ !
ମାନିବାକୁ ପ୍ରସ୍ତୁତ ମୁଁ ଅହରହ ।
କିନ୍ତୁ ଏହା ସତ୍ୟ --
ସର୍ତ୍ତ--ନିଃସର୍ତ୍ତର ଏହି ଲୁଚକାଳି ଖେଳରେ
ଜିତିଛି ମୁଁ , ହାରିଛୁ ତୁ'
ପୁରସ୍କାର ବଦଳରେ ପାଇଛି ମୁଁ କୋହ
ହେଲେ ହେଉ ପଛେ ତୋ ବିରହ ଦୁର୍ବିସହ ।
•••••••••