ଶୂନ୍ୟ ଅଭିବ୍ୟକ୍ତି

ସ୍ୱପ୍ନ ଆଉ ସତ୍ୟତା ଭିତରେ

ଆପଣାର ଅସ୍ତିତ୍ୱକୁ

ହଜେଇ ଚାଲୁଥିବା ମଣିଷ ମାନଙ୍କ

ଭିଡ ଭିତରେ ମୁଁ ନିଃସ୍ୱ ।

ଆକାଶ ଆଉ ମାଟିର ଦୁରତାକୁ

ମାପିବାକୁ ଚେଷ୍ଟା କରୁକରୁ

କେତେବେଳେ ଯେ ନିଜକୁ

ହଜେଇ ସାରିଲିଣି ନିଜ ଭିତରେ ।

କଣ ବା କରିଥାନ୍ତି?

ଏଠି ହକ୍ ମାଗିବାକୁ ହେଲେ

ହାତ ପତେଇବାକୁ ପଡେ ।

ଅପଦସ୍ଥ ହବାକୁ ପଡେ ।

ଆତ୍ମହତ୍ୟା କରିବାକୁ ପଡେ

ସ୍ୱପ୍ନ ମାନଙ୍କୁ ନିଜନିଜ ଜାଗାରେ

ସଜାଡି ଛିଡାକରିବା ପୂର୍ବରୁ ।

ସେମାନେ କଣ ବା ଦିଅନ୍ତି?

ଖାଲି ଯାହା ସମବେଦନା ନାଆରେ

ମିଛ ଆହା ଚୁଚୁ ଦୁଇପଦ ।

ତଦନ୍ତ ଆଳରେ ଘଟଣାକୁ ଚପାଇ ଦିଅନ୍ତି

ସତ ର ହତ୍ୟାକରି ନିଜ ବେକରେ

ପକାନ୍ତି ଫୁଲମାଳ ।

ଋଣ ଆଉ ଅଭାବକୁ ସହିନପାରି

ଆତ୍ମହତ୍ୟା କରିଥିବା ଚାଷୀର ପରିବାରଟା

ଖାଲି ଅନେଇଥାଏ ଶୂନ୍ୟକୁ ।

ମହାଶୂନ୍ୟକୁ !