ସେ ନଥିବା ମଣିଷ ପାଇଁ

ସେଇ ନଥିବା ମଣିଷଟି ପାଇଁ

କାହିଁକି ଲୋ ଠେଲିପେଲି ତଡିଦେଉ

ତୋ ଆଖିର ଯେତେସବୁ ନିଦ

ନିସଂକୋଚେ ପିନ୍ଧିନେଉ ଦୁନିଆଁର ଆଖିଦେଖା

ନିନ୍ଦା ଅପବାଦ .....

ସପନକୁ ସତ ଭାବି

କାହିଁକି ତୁ ବାନ୍ଧୁଥାଉ ବସା ??

ତୁ ଜାଣୁ ସେ ଫେରିବନି

ତୋର ଏଇ ଦୁନିଆଁକୁ

ତଥାପି କହିଁକି କହ ଧରିଚୁ ଲୋ ଆଶା ???

ସେ ନାଲି ଚୁଡ଼ି ନାଲି ଶାଢ଼ୀ

ସିନ୍ଦୁର ଆଶାରେ

କିମ୍ପାଇଁ ବସିଛୁ କହ ତାର ପ୍ରତୀକ୍ଷାରେ ??

ଜୀବନକୁ କରି ଜୁଇ କାହିଁକି ଲୋ ନିତି ମରୁ

ତୁ କଣ ଜାଣୁନା ...???

ସେ କେବେ ପଡିବ ନାହିଁ ତୋ ପ୍ରେମ ଫାସରେ ...

ସେ ତ ଅଦିନ କୁହୁଡି ଟିଏ

ଏଇ ଅଛି ଏଇ ନାହିଁ ତାର ସେ ଅସ୍ତିତ୍ବ

ତୁ କାଇଁ ତାପାଇଁ ଝୁରୁ

ଜିଇ ଥାଇ ନିତି ମରୁ

ସପନକି କେବେ କହ ହୋଇଲାଣି ସତ ???

ସପନକି କେବେ କହ ହୋଇଲାଣି ସତ ???